ພິມ
ໝວດ: ຮູ້ໄວ້ໄດ້ປະໂຫຍດ
ກົດເບິ່ງ: 131

ປະໂຫຍດຂອງນ້ຳເຊເລີລີ້

1. ເຊເລີລີ້ເປັນຜັກທີ່ໃຫ້ພະລັງງານຕ່ຳແຕ່ມີສານອາຫານສູງ ຈຶ່ງເໝາະກັບຜູ້ທີ່ຕ້ອງການຄວບຄຸມນ້ຳໜັກ.

2. ມີປະລິມານໂພເທສຊຽມສູງ ມີລິດອ່ອນໃນການຂັບຍ່ຽວອອກຈາກຮ່າງກາຍ ຊ່ວຍຫຼຸດອາການບວມໜ້າ.

3. ຊ່ວຍໃຫ້ຫຼອດເລືອດຂະຫຍາຍໂຕ ເຮັດໃຫ້ເລືອດໄປລ້ຽງສ່ວນຕ່າງໆໄດ້ດີ ໂດຍສະເພາະຫົວໃຈ ເຮັດໃຫ້ຫຼຸດຄວາມສ່ຽງໃນການເກີດໂລກຫົວໃຈຂາດເລືອດໄດ້.

4. ຊ່ວຍປັບລະດັບລະດັບຄວາມດັນເລືອດໃຫ້ຢູ່ໃນລະດັບທີ່ສົມດຸນ ໂດຍສະເພາະຜູ້ປ່ວຍໂລກຄວາມດັນເລືອດສູງ.

5. ຫາກເລືອກກິນເຊເລີລີ້ແບບສົດໆ ຈະເຮັດໃຫ້ໄດ້ຮັບວິຕາມິນຊີສູງ ຊ່ວຍກະຕຸ້ນການສ້າງພູມຕ້ານທານແບັກທີເລຍ ແລະ ໄວຣັສທີ່ຈະເຮັດໃຫ້ເກີດໂລກຫວັດ ໂລກພູມແພ້ ແລະໂລກເລືອດອອກຕາມເຟັນແຂ້ວ.

ອັນຕະລາຍຈາກນ້ຳເຊເລີລີ້

ເນື່ອງຈາກເຊເລີລີ້ ມີໂພເທສຊຽມສູງ ຜູ້ປ່ວຍໝາກໄຂ່ຫຼັງຈຶ່ງຄວນກິນຢ່າງລະມັດລະວັງ ເພາະຫາກກິນໃນປະລິມານຫຼາຍອາດເຮັດໃຫ້ໄດ້ຮັບປະລິມານໂພເທສຊຽມຈາກເຊເລີລີ້ທີ່ຫຼາຍເກີນໄປ.

- ຄຳແນະນຳໃນການດື່ມເຊເລີລີ້

1. ສາມາດດື່ມນ້ຳເຊເລີລີ້ໄດ້ແຕ່ບໍ່ຄວນດື່ມເປັນປະຈຳໃນປະລິມານທີ່ຫຼາຍເກີນໄປ.

2. ຄວນປັ່ນເຊເລີລີ້ປະສົມກັບຜັກ ແລະ ໝາກໄມ້ອື່ນ ເພື່ອໃຫ້ໄດ້ຮັບວິຕາມິນແຮ່ທາດ ແລະ ໃຍອາຫານທີ່ເໝາະສົມ ເພາະການກິນອາຫານຊ້ຳໆ ຈະເຮັດໃຫ້ເຮົາໄດ້ຮັບປະໂຫຍດຈາກອາຫານພຽງຊະນິດດຽວ ຈຶ່ງຄວນສະຫຼັບໝູນວຽນກັບອາຫານຊະນິດອື່ນນຳ.

3. ນອກຈາກການນຳມາປັ່ນແລ້ວສາມາດນຳມາປຸງປະກອບອາຫານຕ່າງໆ ເຊັ່ນ ຊອຍໃສ່ສະຫຼັດ ຫຼື ຕົ້ມແກງ ກໍ່ຈະເຮັດໃຫ້ກິນງ່າຍຂື້ນ.

4. ກ່ອນນຳເຊເລີລີ້ມາປັ່ນ ຫຼື ປຸງປະກອບອາຫານ ຄວນລ້າງນ້ຳໄຫຼ ໂດຍແຊ່ໃນນ້ຳ ດົນ 15 ນາທີ ຈາກນັ້ນເປີດນ້ຳໄຫຼຜ່ານ ແລະ ຖູໄປມາດົນ 2 ນາທີໃຫ້ສະອາດ ສາມາດຫຼຸດສານເຄມີຕົກຄ້າງໄດ້.

ຂໍ້ມູນຈາກ: news.com.la